Լուրեր
Մի փորձեք թվալ ավելի հեղափոխական, քան 2018-ին նռնակների տակ ընկած անձինք են. Գրիգորյան
  • 19:33
  • 2020-05-26
  • Դիտումներ՝ *

Այսօր՝ մայիսի 26-ին, ԱԺ հայտարարությունների ժամին «Իմ քայլը» խմբակցության պատգամավոր Սուրեն Գրիգորյանը հայտարարեց, որ նոր Հայաստանում կան նաև բացասական երևույթներ:

«Այդպիսի երևույթներից է խոսքի ազատության տակ սեփական լկտի պահելաձևը և հայհոյախառն սադրանքները քողարկելը: Անձը մի վայրկյանում  չակերտավոր քաղտեխնոլոգից վերածվում է չակերտավոր  համաճարակաբանի և նույն արագությամբ վերածվում դատաիրավական բարեփոխումների  չակերտավոր  փորձագետի: Իսկ ինչու չակերտավոր` որովհետև անձն իրականում ոչ չակերտավոր անգրագետ է»,- հայտարարեց նա:

Նա հիշեցրեց, թե արդարադատության նախարարը ինչ բարեփոխումներէ կատարել և ասաց. «Մի փորձեք թվալ ավելի հեղափոխական, քան այն անձինք, ովքեր 2018-ին վտանգելով սեփական կյանքը` հանուն վաղվա Հայաստանի ընկնում էին նռնակների տակ: Ձեր այդ ճիգերը պարզապես ծիծաղելի են»:

 

Մանրամասները՝ տեսանյութում:

  • Դիտումներ՝ *