Տարբեր թեմաներ ենք քննարկել․ Մակունցը՝ նախագահ Արմեն Սարգսյանի հետ հանդիպման մասին

Օրերս ԱԺ «Իմ քայլը» խմբակցության ղեկավար Լիլիթ Մակունցը և պատգամավոր Ռուբեն Ռուբինյանը հանդիպել են նախագահ Արմեն Սարգսյանի հետ։ «Առաջին լրատվական»-ի հետ զրույցում Մակունցը նշել է, որ նախագահի հետ տարբեր թեմաներ են քննարկել, բայց քննարկման հիմնական թեման եղել է կորոնավիրուսով պայմանավորված Հայաստանում ստեղծված իրավիճակը, այդ թվում՝ տնտեսական իրավիճակը և այս ընթացքում բոլորի աշխատանքները մեկտեղելու մեթոդաբանությունը։ Անդրադարձ է եղել նաև օրենսդրական նախաձեռնություններին, այդ թվում՝ նաև Վենետիկի հանձնաժողով հարցում ուղարկելուն։