«Ատելության խոսքն ազգային անվտանգության խնդրի չի հանգեցնում։ Դա կարող է հանգեցնել ներհասարակական խնդրի, որը, այո՛, խնդիր է, որովհետև եթե մենք քրեական օրենսգրքում չենք ունենում դրա պատժիչ մեխանիզմները, ներհասարակական հարաբերությունում սամասուդի մշակույթ կարող է ձևավորվել, ինչն անընդունելի է։ Այսինքն՝ քրեական օրենսգրքում մենք պետք է ունենանք պաշտպանիչ մեխանիզմ այս ոլորտում»,- «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Գայանե Աբրահամյանը։
Նրա խոսքով՝ շատ ավելի լուրջ ազգային անվտանգության խնդիր է ֆեյք նյուզը, որովհետև ատելության խոսքը անդրսահմանային խնդիրներ չի առաջացնում, իսկ ֆեյք նյուզը հաճախ տեսնում ենք, որ անգամ միջպետական խնդիրներ է առաջացնում։