Այսօր՝ մայիսի 26-ին, Ազգային ժողովում հրավիրվել է յոթերորդ գումարման չորրորդ նստաշրջանը: Այժմ քննարկվում է քննարկվում է համայնքներում ընտրությունների համամասնական ընտրակարգին անցնելու մասին հարցը:
«Սա յուրօրինակ համագործակցության ձևաչափ է կառավարության և պատգամավորների միջև»,- հայտարարեց «Իմ քայլի» պատգամավոր Վարազդատ Կարապետյանը:
Նրա խոսքով` պետք է ստեղծել ավելի լավ որոշումների կայացման հնարավորություն համայնքների համար. «Ժամանակն է մարդու դերից անցում կատարել դեպի մեխանիզմներ, որտեղ կգեներացվի «ինչ անել» հարցի պատասխանը: Համայնքներում ընտրությունը պետք է դարձնենք քաղաքական և անձնական պատասխանատվությունից պետք է անցում կատարենք դեպի քաղաքական պատասխանատվություն: Քաղաքական ուժը պետք է պատասխանատվություն ունենա նաև փոքր համայնքի համար»:
Խոսելով դիմակների մասին` Վարազդատ Կարապետյանն ընդգծեց. «Կարևոր է, որ կրենք դիմակներ, բայց կարևոր է նաև, որ չմոռանանք մեր դեմքի մասին: Գալու է ժամանակ, երբ մենք դիմակները հանելու ենք, հանկարծ մեր դեմքը չկորցնենք: Խնդրում եմ համագործակցության ձևաչափից մեկ քայլ նահանջ չանել»:
Մանրամասները՝ տեսանյութում:
