Այսօր՝ մայիսի 26-ին, Ազգային ժողովում հրավիրվել է յոթերորդ գումարման չորրորդ նստաշրջանը: Այժմ քննարկվում է Քաղաքացիական դատավարության օրենսգրքում փոփոխություն կատարելու մասին հարցը:
Օրինագծի հեղինակ` ԲՀԿ խմբակցության պատգամավոր Գևորգ Պետրոսյանը, անդրադառնալով հարցին, որ օրինագիծը հանձնաժղովում չի ընդունվել, ասաց. «Առաջին քվեարկությամբ օրինագիծն անցնում է, 2-րդի ժամանակ` ոչ: Չեք ուզում, միանգամից ասեք, որ չեք ուզում օրինագիծն անցնի»:
Ի պատասխան` պետաիրավական հարցերի հանձնաժողովի նախագահ Վլադիմիր Վարդանյանն ասաց. «Հասկանալու համար, որ քվեարկությունը տեղի է ունեցել մեկ անգամ, անհրաժեշտ էր մնալ նիստին մինչև վերջ. սա ձեր պարտավորությունն է»:
Մանրամասները՝ տեսանյութում:
