Լուրեր
Լեգիտիմ իշխանություն ունեցող երկրում հեղաշրջում չի լինում․ հեղափոխությունը ժողովրդից չեն կարող փախցնել

Կորոնավիրուսի և Սյունիքում տեղի ունեցած դեպքերի մասին նյութերը գրավել են լրատվամիջոցների առաջին էջերը: Համավարակի վիճակագրության համաձայն՝ վարակակիրների թիվն աճում է՝ ստիպելով ընդունել ծանր որոշումներ: Սյունքիում առկա քրեածին իրավիճակը հաղթահարելու համար նույնպես հավանաբար ծանր որոշումների կարիք կլինի:

Այս և այլ թեմաների շուրջ «Առաջին լրատվական»-ի հետ քննարկմանը մասնակցեցին վերլուծաբան Հակոբ Բադալյանը, ԱԺ «Իմ քայլը» խմբակցության պատգամավոր Վահագն Հովակիմյանը և Գերագույն խորհրդի նախկին պատգամավոր Ազատ Արշակյանը:

Հակոբ Բադալյանի դիտարկմամբ՝ Կապանի ակցիան ինքնապաշտպանական էր: «Այն, ինչ տեղի ունեցավ Սյունիքում, Հայաստանի ներքաղաքական պատկերի հիբրիդային, խտացված հերթական դեպքն էր, որտեղ կան բազմաթիվ շահառուներ և մոտիվներ: Բուն խնդիրը, ըստ ՀՔԾ հաղորդագրության, քրեական հանցանքն է»,- նշեց վերլուծաբանը:

Վահագն Հովակիմյանի խոսքով՝ Սյունիքում տեղի ունեցածի վերաբերյալ տեղեկատվական աղմուկը շատ ավելի մեծ էր, քան բուն երևույթը, և առաջացած ագրեսիան նաև տեղեկատվական աղմուկով էր պայմանավորված:

Ազատ Արշակյանի կարծիքով՝ Սյունիում տեղի ունեցած բողոքի ակցիայի պատճառը դատաիրավական համակարգի նկատմամբ անվստահությունն է: Իսկ Վահագն Հովակիմյանի դիտարկմամբ՝ Սյունիքում կազմակերպված ցույցը ոչ թե ըմբոստ սյունեցու բողոքն է արտահայտում, այլ նախորդ մարզպետի գործունեության արդյունքն է, և հատկանշական է, որ այն կազմակերպել է խարդախության համար դատապարտված և վերջերս ազատազրկման վայրից դուրս եկած անձ:

Քննարկման մասնակիցները նկատեցին, որ Հայաստանում կան ուժեր, որոնք ամեն ինչ անում են, որպեսզի հիմնական օրակարգից շեղեն: «Գլխավորը թղած, ընկնում ենք քարոզչական շրջապտույտի ետևից»,- նշեց  Հակոբ Բադալյանը՝ հավելելով, որ փորձ է արվում տպավորություն ստեղծել, թե երկրում աժիոտաժ է և ռևանշ է հասունանում, և ժողովուրդը մտածում է՝ ուզում են հեղափոխությունը խլել: «Լեգիտիմ իշխանություն ունեցող երկրում հեղաշրջում չի լինում: Հեղափոխությունը ժողովրդից չեն կարող փախցնել»,- ընդգծեց վերլուծաբանը:

 

Մանրամասն՝ տեսանյութում:

  • Դիտումներ՝ *