Լուրեր
Վարույթ ենք հարուցել. 110-120 դրամանոց դիմակը սպառողին հասել է մինչև 220 դրամով. ՏՄՊՊՀ նախագահ
  • 12:55
  • 2020-05-25
  • Դիտումներ՝ *

Այսօր՝ մայիսի 25-ին, Ազգային ժողովում հրավիրվել են խորհրդարանական լսումներ՝ «Տնտեսական մրցակցության պաշտպանության պետական հանձնաժողովի 2019 թվականի հաշվետվությունը» խորագրով:

«Որևէ կերպ չեմ կարողանում հաշվարկել, թե ինչու պետք է թանկանային լայն սպառման դիմակները: Վառ երևակայություն է պետք հասկանալու համար, ինձ համար էլ է դժվար հասկանալ, թե ինչպես կարող է այս դիմակի գինն անցնել 70-80 դրամից: Հանրությանն էլ պետք է բացատրել, որ այնպես չի, որ համավարակի պայմաններում ինչ-որ տնտեսվարողներ կարող են օգտվել առիթից և գերշահույթներ ապահովել»,- ՏՄՊՊՀ նախագահին ասաց ԱԺ նախագահ Արարատ Միրզոյանը:

Ի պատասխան Գեղամ Գևորգյանն ասաց. «Այո, կան տնտեսվարողներ, ովքեր փորձել են իրավիճակից օգտվելով ավելի շատ շահույթ ստանալ, բայց խոսքը չի գնում այն մասին, որ ձեռք են բերել 5 դրամով և փորձել են վաճառել 200-220 դրամով, այլ այն մասին, որ 110-120 դրամանոց դիմակը վերջնական սպառողին հասել է մինչև 220 դրամ: Հարկերը հանելուց հետո մնում է 50-60 դրամ: Դրա համար էլ վարույթ ենք հարուցել, 2 մարժա են մտել»:

 

Մանրամասները՝ տեսանյութում:

  • Դիտումներ՝ *