Ազգային անվտանգության հարցերով ԱՄՆ նախագահի խորհրդական Ռոբերտ Օ’Բրայենը հայտարարել է, որ Վաշինգտոնը կարող է պատժամիջոցներ մտցնել Չինաստանի նկատմամբ այն դեպքում, եթե Պեկինը «զավթի» Հոնկոնգը՝ ազգային անվտանգության մասին օրինագծի օգնությամբ։
NBC– ին տված հարցազրույցում նա ասել է, որ 1984 թվականին Չինաստանի Կոմունիստական կուսակցությունը, համատեղ հռչակագիր ստորագրելով, խոստացել է Մեծ Բրիտանիային, որ Հոնկոնգը կպահպանի իր ինքնավարության աստիճանը, ինչպես նաև իր կենսակերպը մինչև 2047 թվականը:
Եվ այս ժամկետը լրանալուց 27 տարի առաջ, Չինաստանի իշխանությունները «փաստացի գրավում են Հոնկոնգը»: Եթե նրանք դա անեն, ապա ԱՄՆ պետքարտուղար Մայք Պոմպեոն, ամենայն հավանականությամբ, «չի կարողանա հաստատել 1992 թվականի օրենքի… և 2019 թվականի՝ Հոնկոնգում մարդու իրավունքների և ժողովրդավարության մասին օրենքի համաձայն, որ Հոնկոնգը պահպանում է ինքնավարության բարձր աստիճանը»: Այս դեպքում պատժամիջոցներ են սահմանվելու Հոնկոնգի և Չինաստանի դեմ:
Բացի այդ, Օ’Բրայենը ընդգծել է, որ դժվար է պատկերացնել, թե ինչպես կկարողանա Հոնկոնգը մնալ Ասիայի ֆինանսական կենտրոնը, եթե Չինաստանը գրավի այն»:
