Բռնություն գործադրողների նկատմամբ լինելու է օրենքով նախատեսված պատասխանատվություն, երաշխիքներ են տվել, ես վստահաբար կարող եմ ասել` չի լինելու ոչ մի բռնություն: Քիչ առաջ այս մասին հայտարարեց Քաջարանի քաղաքապետ Մանվել Փարամազյանը։
Այնուհետև ցույցի մասնակիցներից մեկը հավելեց․
«Ողջ Հայաստանին ապացուցելու համար, որ մեր հավաքն ինքնաբուխ է, մենք չենք խոչընդոտի, որպեսզի իրականացվի ազատ հետաքննություն։
Հարգելով երաշխիքները, որ տվել են մեր քաղաքապետին՝ ընդառաջենք արդարությանը, արդար քննությանը»։
Քաղաքապետն էլ, իր հերթին, ասաց, որ համոզված է՝ գործը լինելու է շատ օբյեկտիվ, և եթե լինի հակաիրավական, ոչ թե դուրս կգա 1000 մարդ, այլ 10 000:
Ցուցարարները որոշեցին դադարեցնել ակցիան։ Քաջարանի քաղաքապետը ներողություն խնդրեց ոստիկաններից և շնորհակալություն հայտնեց նրանց, այնուհետև հորդորեց ծափահարել ոստիկաններին։