Հայաստանի համայնքների միության նախագահ Էմին Երիցյանը հայտարարություն է տարածել, որում ասվում է.
«Քաջարանում ու Կապանում զարգացող իրադարձությունները խիստ մտահոգիչ են
Անհանգստություն են առաջացնում իրավական գործընթացների ենթադրյալ փոխկապակցվածությունը քաղաքական գործընթացներին, դրանց մեկաբանումը քաղաքական մոտիվացվացությամբ։
Այդ հայտարարություններն արվում են ոչ միայն սոցիալական ցանցերում կամ ցուցարարների կողմից, այլև այդ մասին հատուկ հայտարարությամբ է հանդես եկել Քաջարանի քաղաքապետ Մանվել Փարամազյանը՝ տեղի ունեցողը որակելով որպես քաղաքական հետապնդում։
Ընտրված պաշտոնյայի կողմից նման հայտարարությունն ինքնին մի փաստ է, որի շուրջ պետք է հատուկ քննություն իրականացվի։
Հայաստանում տեղական ժողովրդավարության, տեղական ինքնակառավարման մարմինների ու Հայաստանի համայնքների միության համար սրանք արտառոց գնահատականներ են ու արտառոց իրավիճակ է, երբ քաղաքապետն ու համայնքի ցուցարար բնակիչները հայտարարում են քաղաքական հետապնդման մասին։
Լինելով Հայաստանի տեղական ժողովրդավարության ու Հայաստանի Հանրապետության բարձր վարկի ջատագով, ՀՀ քաղաքական ու իրավապահ մարմիններից ակնալում եմ, որ
– հարցի քննությունն ընթանա հնարավորինս թափանցիկ,
– բացառվի համայնքապետի նկատմամբ քաղաքական ճնշման որևէ ակնհայտ կամ թաքնված գործողություն,
– Քաջարանի ցուցարար բնակիչներին կոչ եմ անում դրսևորել զսպվածություն»։
Ավելի վաղ հայտնել էինք, որ Կապանում մայիսի 24–ին լարված իրավիճակ է ստեղծվել։ Վարչության և ոստիկանության շենքի դիմաց հավաքվել են բազմաթիվ քաջարանցիներ, որոնք պահանջում են Երևան չտեղափոխել ոստիկանություն բերման ենթարկված, այնուհետև ձերբակալված իրենց երեք համաքաղաքացիներին։
Այսօր նաև Քաջարանի քաղաքապետ Մանվել Փարամազյանն է հանդես եկել հայտարարարությամբ առ այն, որ իր նկատմամբ քաղաքական ճնշումներ են գործադրվել, օրեր առաջ ոստիկանությունը խուզարկություններ է իրականացրել իր և իր մերձավորների բնակարաններում, կասկածահարույց ոչինչ չի հայտնաբերվել, դրան հաջորդել են քաջարանցիների անհիմն ձերբակալությունները՝ բռնության կիրառմամբ:
https://www.facebook.com/municipalities.armenia/posts/1567588453398479?__xts__[0]=68.ARBM3FdMUohiGkjA06xk9y8XYE3LU_WuR8DUJezxDua7rH2Ndwi7RR-Gw0WGnxzuGoa55qsiyL9iB6g4re9yS8O5-bMOqrsYzVH-wQDzDz8yT-UbsJSmeh19gAd1BdmxmP5fA2ERPKf0d6in9tTgclIePiXqZRR6M4EjQBDqy_vE0TKVpMXcIXw1rPrDvC1xvnxCcn9zg1ipWBniuyW1ScvIQaCwX-QEOXh8ERLcjrmI4WYVuAyy7quUj9uWKz6v6er9I-rMTLigVm8tCLiPmYT-4jWnOlKe0rp6fkVc5dZgG3B4pDzs1SBw0g3byiTM_j32zzk0X1TlTCKqZitmig&__tn__=-R
