Ես համաձայն չեմ Դավիթ Հարությունյանի հետ. պետք է նշեմ, որ պարոն Հարությունյանն է նաև եղել ՍԴ այն մոդելի հեղինակը, որը սահմանված է Սահմանադրության 7-րդ գլխում: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Արուսյակ Ջուլհակյանը՝ անդրադառնալով արդարադատության նախկին նախարար, ՀՀԿ անդամ Դավիթ Հարությունյանի հայտարարությանը, ըստ որի՝ ՍԴ անդամների լիազորությունը 12 տարով սահմանափակելու լիազորություն ԱԺ-ն չունի, դա պետք է արվի հանրաքվեով:
«Ինչ վերաբերում է ժամկետներին, ապա այն գլուխը, որը կարող է փոխվել միայն հանրաքվեի միջոցով, հենց նախատեսում է, որ ՍԴ դատավորները պետք է պաշտոնավարեն 12 տարով, և մեր բոլոր ջանքերը առայսօր, այդ թվում հանրաքվեն, այն է, որ ՍԴ գործող կազմը վերջապես համապատասխանեցնենք պարոն Հարությունյանի իսկ հեղինակած Սահմանադրության 7-րդ գլխով սահմանված մոդելին»,-ասաց նա: