Մայիսի 23-ին, Չեչնիայի ղեկավար Ռամզան Կադիրովը, որի հոսպիտալացման մասին հաղորդել էին ԶԼՄ-ները, հրապարակել է մի տեսանյութ, որում նրան շնորհավորել է Ուրզա Բայրամը:
Տեսանյութում լսվում է Կադիրովի ձայնը: Նա չեչեներենով ասում է, որ վերջին ժամանակները «բոլորի համար էլ բարդ են եղել համավարակի տարածման պատճառով, շատերը վախեցած են, եւ դա հասկանալի է»:
Տեսանյութում Գրոզնիի մզկիթն է, սակայն ինքը՝ Կադիրովը կադրում այդպես էլ չի երեւացել:
Baza պարբերականը պնդում է, որ Չեչնիայի ղեկավարն ուղերձը նկարահանել է մոսկովյան կլինիկայում, որտեղ պայքարում է կորոնավիրուսի դեմ, իսկ Կադիրովի ձայնը հետո են միացրել տեսանյութին:
Հինգշաբթի հաղորդվեց, որ Կադիրովը հոսպիտալացվել է կորոնավիրուսի կասկածանքով: Չեչենիայի իշխանությունների մի շարք ներկայացուցիչներ հերքեցին, որ Կադիրովը գտնվում է Մոսկվայում, իսկ հանրապետության խորհրդարանի նախագահ Մագոմեդ Դաուդովն ասաց, որ տարածաշրջանի ղեկավարն առողջական խնդիր չունի: Ինքը՝ Չեչնիայի ղեկավարը, սակայն, չի մեկնաբանել հոսպիտալացման մասին հաղորդումները և չի հայտնվել հանրության շրջանում: