«Չեմ կարծում, թե ժամանակի ընթացքում գիրքը և գրականությունը հեռացել են մարդուց. ժամանակի ընթացքում ինչ-որ ձևեր փոխելով՝ գրականությունը շարունակում է նոր դրսևորումներ գտնել,- նշեց երիտասարդ գրող Հովհաննես Հովակիմյանը: -Վերջին շրջանում գրականությունն անցքեր է գտնում, որպեսզի դուրս սողոսկի, որովհետև ժամանակը արագացել է, և մարդիկ կարծես թե ժամանակ չեն գտնում գիրք բռնել իրենց ձեռքում, բայց դրա փոխարեն հնարավորություն ունեն սոցիալական ցանցերում ընթերցել, կամ օնլայն գրքեր ձեռք բերել. սա ևս կարևոր միտում է, որը շարունակում է պահպանել մարդու և գրականության կապը»:
Բայց մյուս կողմից, Հովհաննես Հովակիմյանի կարծիքով, եթե գրողները իրենց գրած տեքստերը դնում է սոցիալական կայքերում, դա արժեզրկում է իրենց կատարած աշխատանքը. «Ստատուսները գրականություն չեն… Գրականության հանրահռչակումը կարևոր է, բայց դա պետք է արվի շատ բարձր մակարդակով»:
«Հայ ընթերցողի որակն այսօր շատ ավելի ցածր է, քան խորհրդային տարիներին: Ճաշակով ընթերցողների թիվը քիչ է»,- ընդգծեց գրողը՝ հավելելով, որ ժամանակի պահանջներով՝ մարդիկ սկսել են քիչ կարդալ, բայց վերջին տասը տարիներին սառույցը կոտրվել է, իսկ վերջին երկու-երեք տարիներին ընթերցողների թիվն ավելացել է:
Մանրամասն՝ տեսանյութում:
