Грузия Online-ի փոխանցմամբ՝ Վրաստանի նախագահ Միխեիլ Սաակաշվիլին Բաթումում տեղի ունեցած «Վրաստանի եվրոպական ճանապարհը» խորագրով 8-րդ միջազգային կոնֆերանսի ժամանակ կասկած է հայտնել, որ ռուսական ռեժիմն ավելի ժողովրդավարական է, քան բելառուսյանը, և ԵՄ առաջնորդներին կոչ է արել հրաժարվել Մինսկին մեկուսացնելու մտադրությունից.
Սաակաշվիլին հայտարարել է. «Մենք իրականացրած բարեփոխումների ճանապարհով ձեռք բերած մեր փորձը կիսում ենք Մոլդովայի, Ուկրաինայի հետ, զրուցում ենք Բելառուսի հետ։ Մինսկի հետ երկխոսությունն անհրաժեշտ է։
Երբեմն Բելառուսին մեկուսացնել փորձող մարդիկ չեն ցանկանում, որ այդ նույն չափորոշիչները կիրառվեն նաև այլ՝ զգալիորեն ավելի խոշոր հարևան երկրների նկատմամբ։ Եթե որևէ մեկն ինձ ասի, որ Ռուսաստանն ավելի ժողովրդավարական երկիր է, քան Բելառուսը, ապա խնդրեմ, թո՛ղ այդպես էլ մտածի։
Սակայն Բելառուսը չի օկուպացնում հարևան երկրները, և եթե այն մեկուսացվի, ապա դա կնշանակի, որ կհայտնվի ռուսական վարչակազմի ձեռքում։ Մի՞թե դա է եվրոպական ընտրությունը։ Անհրաժեշտ է երկխոսություն, նոր նախաձեռնություններ։ Այդպիսին է մեր դիրքորոշումը»։