Լուրեր
Յուրաքանչյուր անձ իր կարծիքների մեջ պետք է զգույշ լինի՝ հետհայացք գցելով իր սեփական կատարած աշխատանքին
  • 13:40
  • 2020-05-24
  • Դիտումներ՝ *

Որևէ ձևով չեմ ուզում քաղաքացի Արթուր Վանեցյանի կարծիքները մեկնաբանել, քանի որ ամեն մի քաղաքացի կարող է ունենալ իր սուբյեկտիվ կարծիքը: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Նազելի Բաղդասարյանը՝ անդրադառնալով ԱԱԾ նախկին տնօրեն Արթուր Վանեցյանի հայտարարությանը, թե իշխանությունը չի իրականացնում դատաիրավական ոլորտի փոփոխությունները, որովհետև անկարող է, ապիկար ու ոչ պրոֆեսիոնալ:

«Բայց կարծում եմ, որ յուրաքանչյուր անձ իր կարծիքների մեջ պետք է զգույշ լինի՝ հետ հայացք գցելով իր սեփական կատարած աշխատանքին»,-ասաց Նազելի Բաղդասարյանը:

Ինչ վերաբերում է նրան, որ իշխանությունը հրաժարվեց համատարած վեթինգ անելու մտադրությունից, նա նշեց. «Ինչ վերաբերում է վեթինգի իրականացման այն մեթոդաբանությանը, որը ներկայացրեց արդարադատության նախարարությունը, փորձ է արվել ընտրել այն տարբերակը, որը թույլ չի տա օրենքի տառի որևէ շրջանցում, չի ոտնահարի Սահմանադրությունը»:

  • Դիտումներ՝ *