Լուրեր
ԲՀԿ-ի մտավախությունները Զոհրաբ Մնացականյանը չփարատեց․ Արման Աբովյան
  • 22:15
  • 2020-05-21
  • Դիտումներ՝ *

Այո, ԱԳ նախարար Զոհրաբ Մնացականյանի հետ եղել է հանդիպում մեր հրավերով. այն եղել է փակ ֆորմատով, դրա համար ինձ իրավունք չեմ վերապահում մանրամասնել, թե ինչի մասին է խոսքը գնում: Այս մասին «Առաջին լրատվական»-ի հետ զրույցում նշեց ԱԺ ԲՀԿ խմբակցության քարտուղար Արման Աբովյանը:

«Կարող եմ ասել, որ մեր մտահոգությունները չփարատվեցին: Դրա հետ մեկտեղ թույլ տվեք հաստատել մեր դիրքորոշումը, որ յուրաքանչյուր բանակցություն կամ քննարկում, որը տեղի է ունենում Արցախի խնդրի շուրջ, մենք միանշանակ պնդում ենք, որ գոյություն ունի միայն մեկ ֆորմատ, որը թույլ կտա հասնել հարցի արդարացի հանգուցալուծմանը: Նախ, հայ ժողովուրդը Արցախի խնդիրը դե ֆակտո լուծել է, մենք ունենք Արցախի կայացած պետություն, որը որոշ հարցերում ավելի կայացած է, քան նույն Ադրբեջանը: Երկրորդ, յուրաքանչյուր բանակցության հիմքում պետք է լինի Արցախի Հանրապետության դե ֆակտո անկախության միջազգային դե յուրե լեգիտիմիզացիան»,-ասաց նա:

  • Դիտումներ՝ *