Ռուսաստանի Դաշնության և Ադրբեջանի նախագահներ Վլադիմիր Պուտինը և Իլհամ Ալիևը հեռախոսով քննարկել են Դաղստանի սահմանամերձ շրջաններում տիրող իրավիճակը, որտեղ կուտակվել են Ադրբեջանի մեծ թվով քաղաքացիներ, որոնք ցանկանում են տուն վերադառնալ՝ գրում է interfax-ը:
Կրեմլի մամուլի ծառայության հաղորդմամբ՝ զրույցը նախաձեռնել է ռուսական կողմը:
Ավելի վաղ «Ռոսպոտրեբնադզոր»-ի ղեկավար Աննա Պոպովան Ռուսաստանի Դաշնության նախագահի՝ Դաղստանի ղեկավարության և հասարակության ներկայացուցիչների հետ հանդիպման ժամանակ հաղորդել էր, որ հանրապետությունում, կորոնավիրուսով պայմանավորված, իրավիճակը բարդանում է Ադրբեջանի հետ սահմանին օտարերկրյա քաղաքացիների կուտակումների պատճառով:
Դաղստանի ղեկավար Վլադիմիր Վասիլևն առաջարկել էր համակարգել Ռուսաստանի և Ադրբեջանի քաղաքացիների սահմանի հատումը՝ կանխելու համար վարակի տարածումը:
