Նիդեռլանդներում դատարանը ՅՈՒԿՕՍ-ի նախկին բաժնետերերի խնդրանքով՝ որպես հասցված վնասի փոխհատուցում, ձերբակալել է «Ստոլիչնայա» և «Մոսկովսկայա» օղու ապրանքանիշները:
Ռուսաստանյան «Սոյուզպլոդոիմպորտ» պետական ձեռնարկությունից, որին պատկանում է ապրանքանիշը, «ՌԻԱ Նոսվոսատի»-ին հայտնել են, որ Բենելյուքսի երկրների տարածքում օղու ապրանքային նշանների ձերբակալությունն ապօրինի են համարում: Ընկերությունը մտադիր է բողոքարկել այդ որոշումը և ուժը կորցրած ճանաչել դատական կարգով:
«Սոյուզպլոդոիմպորտ» ձեռնարկությունն ավելի քան 15 տարի դատական գործեր է վարում «Ստոլիչնայա», «Մոսկովսկայա», «Ռուսսկայա» օղու ապրանքանիշների և դրանց անգլալեզու անալոգների իրավունքների պաշտպանության համար:
Հունվարին, Նիդեռլանդների գերագույն դատարանը վերջնականապես «Սոյուզպլոդոիմպորտ»ին ճանաչեց Stolichnaya և Moskovskaya ապրանքային նշանների միակ օրինական սեփականատերը Բելգիայի, Նիդեռլանդների և Լյուքսեմբուրգի տարածքում: