Այս իշխանության նկատմամբ վստահության ճաքերը խորանում են, հետևանքներն անդառնալի են լինելու

Հայաստանի իշխանությունների առջև ծառացած կարևորագույն մարտահրավերը հասարակության հավատի ու վստահության վերականգնում է պետական ինստիտուտների նկատմամբ: Հեղափոխությունից հետո հույս կար, որ սա թերևս հեշտ ուղղվելիք հարց պետք է որ լինի, քանի որ Սերժ Սարգսյանին մերժելուց զատ թվում էր թե մերժվել է նաև նրա կողմից ստեղծված համակարգն՝ իր բոլոր դրսևորումներով։ Սակայն վարչապետ Նիկոլ Փաշինյանն օրերս հրավիրված ասուլիսում վերահաստատեց իր այն պնդումները, թե պետական կառավարման համակարգի կեսը դիմադրում է հեղափոխությանը և բարեփոխումներին: Եվ որ խոսքը ներքին խուլ դիմադրությունների մասին է: Թեմայի շուրջ «Առաջին լրատվական»-ը զրուցել է «Քաղաքացու որոշում» կուսակցության գործադիր մարմնի անդամ Հայկ Սահակյանի և Քաղաքագետ, Ժողովրդավարական համախմբում նախաձեռնության համահիմնադիր Սուրեն Պետրոսյանի հետ: