Սիրիայում սպանվել է «Կովկասի էմիրության» առաջնորդ Աբդուլլա Ցումադը: Այս մասին ասվում է գրոհայինների՝ ցանցում տարածած հայտարարության մեջ:
Բելֆեր կենտրոնի միջազգային անվտանգության ծրագրի հետազոտող Վերա Միրոնովան, որը հետազոտում է ահաբեկչական կազմակերպությունները, Twitter- ում հայտարարել է, որ ահաբեկչի վրա յոթ փամփուշտ արձակելով՝ սպանել են Իդլիբում՝ իր տան մոտակայքում։
«Կովկասի էմիրության» ղեկավարի մահվան մեջ մեղադրվում են «Իսլամական պետության» արտասահմանյան գրոհայինները: Ենթադրաբար Ցումադան ճանաչում էր իր մարդասպաններին:
2019-ի օգոստոսին Գերմանիայում «Կովկասի էմիրության» ահաբեկիչ Զելիմխան Խանգոշվիլիին սպանել են՝ գլխին կրակելով։ Ըստ Գերմանիայի, հանցագործության մեջ ներգրավված են Ռուսաստանի կամ Չեչենական հանրապետության պետական իշխանությունները: Խանգոշվիլին կռվել է Ռուսաստանի դեմ ՝ չեչեն մարտիկներ Շամիլ Բասաևի, Աբու ալ-Վալիդի և Ասլան Մասկադովի կողքին: 2002-ից նա գտնվում էր հետախուզման մեջ։
«Կովկասի էմիրությունը» ահաբեկչական կազմակերպություն է, որը գործում է Ռուսաստանի հարավում 2007 թվականից: Լինելով Ռուսաստանի Դաշնությունում արգելված միջազգային «Ալ-Քաիդա» խմբավորման դաշնակից, նպատակ ուներ Հյուսիսային Կովկասի տարածքում իսլամական անկախ պետություն ստեղծել: Այն գրեթե լիովին կազմալուծվել էր առաջնորդների մահից հետո, իսկ մնացածը հավատարմության երդում տալով՝ տեղափոխվել են Սիրիա: