Սիրիական ընդդիմադիր «Ազգային դիվանագիտություն» շարժման քարտուղար Մահմուդ Աֆանդին պատասխանել է ընդդիմության ներկայացուցիչների այն հայտարարություններին, թե Բաշար Ասադը կարող է հեռանալ պաշտոնից։ Այս մասին հայտարարել է ՌԻԱ Նովոստին։
Նրա խոսքերով, ընդդիմությունը միայն ցանկալին որպես իրականություն է ներկայացնում։ Նա նշել է, որ առաջ ընդդիմությունը մեղադրում էր նախագահի ռեժիմին «գնդակոծությունների» մեջ, իսկ հիմա սկսել է նման հաղորդագրությունների միջոցով առաջ տանել իր օրակարգը։
Քաղաքական գործիչը նշել է, որ ընդդիմությունն օգտագործում է պահը, քանի որ աշխարհի ուշադրությունն այլ խնդիրների վրա է սևեռված։ «Ողջ աշխարհը պայքարում է կորոնավիրուսի դեմ, Ռուսաստանը, ԱՄՆ-ը և Եվրոպան այդ թվում, նրանց հիմա Ասադի ճակատագիրը չի հետաքրքրում»,- ընդգծել է Աֆանդին։
Նա նաև հայտարարել է, որ Ռուսաստանը միշտ այն դիրքորոշմանն է եղել, որ Ասադի «ճակատագիրը» գտնվում է սիրիացի ժողովդրի ձեռքերում։ «Ռուսաստանը դժվար թե հետ կանգնի այդ դիրքորոշումից, առավել ևս՝ Իրանը։ Թուրքիան հնարավոր է քննարկում է Ասադի պաշտոնանկությունը»,- նշել է սիրիացի ընդդիմադիրը։
Աֆանդիի խոսքերով, Ասադի ճակատագիրը կարող է վճռվել միայն այն բանից հետո, երբ Սիրիայի ողջ տարածքում կամրապնդվի պետականությունը, և միայն ընտրությունների և Սահմանադրական կոմիտեի աշխատանքի միջոցով՝ ՄԱԿ-ի ԱԽ 2254 բանաձևի համապատասխան։