Այն, ինչ վերջին շրջանում տեղի է ունենում Հայաստանում, ունի շատ խոր արմատներ ու պատճառներ և կապված չէ ընթացիկ քաղաքական զարգացումների հետ: Խնդիրն այն է, որ փաստացի ունենք նոր իրականություն և այդ իրականությանը հակադրվող տոտալ նախկին ուժեր՝ այդ թվում նաև կապիտալ: Տեղի է ունենում կապիտալի և լեգիտիմ իշխանության բախում:
Թեմայի շուրջ «Առաջին լրատվական»-ի հետ զրույցում արձակագիր Արմեն Երևանցին նշեց, որ տեղի է ունենում չհայտարարված կամ գուցե արդեն հայտարարված պատերազմ, որն առավել բուռն դրսևորումներով ընթանում է վիրտուալ տիրույթում, իսկ ժողովուրդը հայտնվել է «թամաշայի» դերում:
«Չեմ կարող ասել, որ իշխանությունը պարտվում է, բայց նաև չեմ կարող ասել, որ հաղթում է, քանի որ այդ պատերազմը դեռևս բուռն ընթանում է: Իշխանության պարտությունը կլինի բոլորիս պարտությունը»:
Արմեն Երևանցու դիտարկմամբ՝ Ապօրինի ծագում ունեցող գույքի բռնագանձման մասին օրենքի կարիքն իսկապես կար, և այս օրենքի ընդունումը որոշ շրջանակներում տագնապ է առաջացրել, և կան մարդիկ, որոնք փախչում են երկրից. «Բայց օրենքները ստեղծվում են ոչ թե մարդկանց ահ ու դողի մատնելու, այլ ինչ-որ բան փոխելու համար: Կարևոր է, թե ինչպես կկիրառվի այդ օրենքը, մեծ ռեֆորմի կարիք ունենք»:
Անդրադառնալով դիտարկմանը, որ վեթինգը և իրավական համակարգի բարեփոխմանն ուղղված մի շարք այլ գործիքակազմերի իրականացումը հնարավոր չէ կիրառել, և կերծեք թե նահանջ է արձանագրվում հեղափոխական գաղափարներից, Արմեն Երևանցին կարծիք հայտնեց, որ անցումային արդարադատությունն անխուսափելի է, և առաջին հերթին ԱԺ-ն է պատասխանատու այդ քաղաքականության մշակման համար:
Խոսելով ընդդիմություն-իշխանության դիսկուրսի և Աժ միջադեպերի մասին, մեր զրուցակիցը նշեց. «Իշխանությանը մենաշնորհ չի տրվել, այլապես տուրուդմփոցներ չէին լինի… Կռիվը իշխանության համար է… Իշխանությունն այսօր անընդհատ հարվածների է ենթարկվում, այդ թվում՝ ֆիզիկական:
Մանրամասն՝ տեսանյութում:
