Եվրամիությունը շուտով Արեւելյան գործընկերության երկրներում կազմակերպված հանցավորության դեմ պայքարի նոր ծրագիր կսկսի: Մայիսի 14-ին «Ազատություն» ռադիոկայանի հայկական ծառայության ուղիղ եթերում այս մասին ասել է Հայաստանում ԵՄ պատվիրակության ղեկավար Անդրեա Վիկտորինը՝ պատասխանելով ապօրինի ունեցվածքի բռնագրավման մասին Հայաստանի խորհրդարանում ընդունված օրենքին վերաբերող հարցին:
Նրա խոսքերով՝ այս ծրագրի բաղադրիչներից մեկը վերաբերում է ապօրինի գույքի բռնագրավմանը:
«Այս հարցով մենք սերտ կապի մեջ ենք արդարադատության նախարարության հետ»,- հավելել է նա:
