Թուրքիայում Ուկրաինայի դեսպան Անդրեյ Սիբիխան սադրիչ է որակել «Կատյուշա» երգի կատարումը Ալանիայում, Հաղթանակի օրվա կապակցությամբ կազմակերպված շարժական համերգի ընթացքում։ Համերգը տեղի է ունեցել մայիսի 9-ին՝ ավտոբուսի վրա տեղադրված հարթակից։
«Մի՞թե ուկրաինացի զբոսաշրջիկն այլևս ցանկալի չէ հիասքանչ Ալանիայում»,- Twitter-ում գրել է Սիբիխան։
Ռուսական մշակույթի տեղական ասոցիացիայից հայտնել են ՌԻԱ-ին, որ քաղաքի իշխանություններն աջակցել են համերգն անցկացնելու իրենց գաղափարին։ Արդյունքում, շարժական հարթակը, որից զինվորական երգեր են հնչել, հինգ ժամ շարունակ շրջել է Ալանիայում։ Երբեմն ավտոբուսը կանգ է առել և ակտիվիստները անցորդներին կարմիր մեխակներ են նվիրել։