Մայիսի 10-ին Իրանի գիտության և տեխնիկայի միջազգային հարաբերությունների բաժնի ղեկավարն ասել է, որ իրանական արտադրության՝ կորոնավիրուսի հայտնաբերման ախտորոշիչ թեստերի նմուշները ուղարկվել են որոշ երկրներ, և հավանության արժանանալու դեպքում իրանական ընկերությունները կսկսեն թեստերի զանգվածային արտահանում: Այս մասին հայտնում է իրանական IRNA գործակալությունը:
Ըստ գիտության և տեխնոլոգիաների գծով Իրանի փոխնախագահ Մեհդի Գալենեիի՝ որոշ գիտական ձեռնարկություններ արդեն շահագործման են հանձնվել, և այժմ Իրանը կարող է բավարարել ներքին կարիքները, ինչպես նաև արտահանել ախտորոշիչ թեստեր այլ երկրներ:
Նա նշել է, որ թեստերը առաքվել են Պակիստան, Ֆիլիպիններ և հավելել է. «Հնդկաստանը, Նիգերիան և Հայաստանը նույնպես որոշել են գնել այդ թեստերը, բայց սահմանային սահմանափակումների պատճառով նմուշների առաքման հարցում դժվարություններ կան»:
