Հայաստանի նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը և Արցախի նախկին վարչապետ Անուշավան Դանիելյանը սահմանադրական կարգի տապալման մեջ մեղադրվող Ռոբերտ Քոչարյանի խափանման միջոցը անձնական երաշխավորությամբ փոխելու միջնորդություն էին ներկայացրել. դատարանը մայիսի 13-ին կհրապարակի որոշումը: «Առաջին լրատվական»-ի հետ զրույցում անդրադառնալով այս դիտարկմանը՝ դերասան, սատիրիկ Սերգեյ Դանիելյանը նշեց, որ այս միջնորդությունը ներկայացրած անձինք հասարակության համար հեղինակություն չեն.«Նրանք օդիոզ ֆիգուրներ են, զարմանում եմ, թե ինչու նրանց դեմ մինչև հիմա գործ չի հարուցվել: Հազիվ ենք իրենցից պրծել, հիմա ջղաձգություններ են անում…»:
«Բանսարկուները ակտիվացել են, ուզում են փչացնել իշխանությանը․ Նիկոլին պետք է պահել»,- ընդգծեց մեր զրուցակիցը՝ անդրադառնալով ներքաղաքական թեժ զարգացումներին:
Անդրադառնալով խորհրդարանում Էդմոն Մարուքյանի և Սասուն Միքայելյանի միջև տեղի ունեցած միջադեպին՝ Սերգեյ Դանիելյանը նշեց. «Էդմոն Մարուքյանը կլասիկ քաղական գործիչ է, մանիպուլյացիաներին և բանսարկություններին տիրապետող անձնավորություն, որն ուզում է փչացնել իշխանությանը: Իսկ Սասուն Միքայելյանը ազնիվ, պատերազմում իր ավանդն ունեցող անձնավորություն է, և լավ կլիներ, որ նա ոչ թե խորհրդարանում լիներ, այլ բանակում… ԱԺ-ում նախկինում էլ կային, հիմա էլ կան սրիկաներ, իրենց տեղում չեն»:
Մանրամասն՝ տեսանյութում:
