Թուրքիայի ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) Դիարբեքիրից ընտրված հայ պատգամավոր Կարո Փայլանն անդրադարձել է նախագահ Ռեջեփ Թայիփ Էրդողանի և բանվորների՝ Թուրքիայում կորոնավիրուսի իրական պատկերն արտացոլող լուսանկարին, որը սոցցանցերում և Թուրքիայի քաղաքական գործիչների շրջանում լայն քննարկումների առարկա է դարձել։
Նշենք, որ կորոնավիրուսի տարածման դեմ իրականացվող միջոցառումների շրջանակում Ստամբուլում 3 հիվանդանոց է կառուցվում։
Գործի ընթացքին ծանոթանալու համար Էրդողանը այցելել է շինարարներին։ Լուսանկարում երևում է, թե ինչպես է Էրդողանը ձեռքով ողջունում ժապավենից այն կողմ հավաքված շինարարներին, որոնց մեծ մասը չի պահպանել սոցիալական հեռավորությունը և չի կրել դիմակներ և ձեռնոցներ։
Մինչդեռ Էրդողանը նրանցից հեռու լինելու համար կանգնել է այդ բաժանարար գծի հակառակ կողմում։
Կարո Փայլանը Twitter միկրոբլոգի իր պաշտոնական էջում այդ լուսանկարը Էրդողանի կողմից անխղճություն է որակել։
«Հարյուրավոր բանվորների սպասեցնում են իրար կողքի։
Էրդողանը ժապավենի հետևում հեռվից ողջունում է բանվորներին։ Մինչ այս գիշեր այդ բանվորները կպառկեն նույն հիվանդասենյակում, Էրդողանը կշարունակի վայելքը իր 1000 սենյականոց պալատում»,- գրել է Փայլանը։
Yüzlerce işçi yan yana bekletiliyor.
Erdoğan çekilen bantın arkasından uzaktan işçileri selamlıyor.O işçiler bu gece aynı koğuşta yatarken, Erdoğan bin odalı Saray’ında sefa sürecek.
Vicdansızlığın fotoğrafı… pic.twitter.com/kvlYR7YHek
— Garo Paylan – Կարօ Փայլան (@GaroPaylan) May 9, 2020