Իրանի իշխանությունները հայտարարել են ԱՄՆ–ի հետ առանց նախնական բանակցությունների բանտարկյալների փոխանակման պատրաստակամության մասին՝ հաղորդել է ՌԻԱ Նովոստին՝ վկայակոչելով Իրանի կառավարության պաշտոնական ներկայացուցիչ Ալի Ռաբիի խոսքերը:
«Ամերիկացի և իրանցի բանտարկյալներին ազատ արձակելու և նրանց փոխանակման համար անհրաժեշտ չէ միջնորդության կամ բանակցությունների դիմել», – ասել է Ռաբիին:
Նա նաև նշել է, որ Իրանը պատրաստ է բանտարկյալներ փոխանակել աշխարհի բոլոր երկրների հետ նույն ձևաչափով՝ «բոլորը բոլորի համար»:
Ըստ նրա՝ Թեհրանն ու Վաշինգտոնը կարող են բանտարկյալներ փոխանակել Շվեյցարիայի տարածքով, որն արդեն զբաղվել է նմանատիպ գործողություններով:
