Նիկոլ Փաշինյանին ճանաչողները գիտեն, որ ինքը որևէ անգամ հստակ տեսակետ չհայտնելու որևէ կոմպլեքս չունի: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Սոս Ավետիսյանը՝ անդրադառնալով ՀՀ վարչապետի՝ Արցախի վերաբերյալ ԱԺ-ում արված հայտարարություններին:
«Ավելի քան հստակ Հայաստանի և Արցախի ռազմաքաղաքական էլիտան բանաձևած ունի անվտանգության խորհուրդների համատեղ նիստում տարրերի և սկզբունքների վերաբերյալ փաստաթուղթ: Հայաստանյան շրջանակներում, հատկապես արտախորհրդարանական, երբ լինում է որևէ հայտարարություն այս դեպքում Մինսկի խմբի համանախագահող երկիր Ռուսաստանից, անընդհատ փորձ է արվում անվտանգայնացնել դիսկուրսը: Ավելի քան հստակ է, որ ՀՀ իշխանությունները, այն ինչ հայտարարել են, այդ ուղղությամբ էլ գնում են: Իշխանությունները հրապարակային ու թափանցիկ են եղել, ինչքան հնարավոր է եղել դիվանագիտական պրոցեսի հետ համադրելով»,-ասաց նա:
Անդրադառնալով նախկին իշխանության ներկայացուցիչների քննադատություններին, Սոս Ավետիսյանն ասաց. «Պետք չի ընկնել նախկինների առաջարկած դիսկուրսի մեջ, որովհետև եթե նախկինները պատկերացնում են, որ ՌԴ ԱԳ նախարարին պետք է անպայմանորեն պատասխան Հայաստանի վարչապետը, ապա իրենք որևէ բան չեն հասկանում արտաքին քաղաքականությունից գոնե այդ հատվածով»: