Վրաստանը մտադիր է մշակել մարտավարություն՝ ուղղված Վրաստանի նախկին նախագահ Միխայիլ Սաակաշվիլիի որոշումներից պաշտպանվելուն։ Հայտնի է, որ Սաակաշվիլին վերջերս ստացավ Ուկրաինայի բարեփոխումների գործադիր կոմիտեի ղեկավարի պաշտոնը, հենց այդ պատճառով դեսպան Թեյմուրազ Շարաշենիձեն հետ կանչվեց Կիևից: Այս մասին հայտարարել է Վրաստանի վարչապետ Գեորգի Գահարիան՝ հայտնում է «Վրաստանի նորություններ» պարբերականը:
Վրաստանի վարչապետը նշել է, որ իր երկիրը կասկածի տակ չի դնի Ուկրաինայի հետ ռազմավարական գործընկերությունը, երկրների և ժողովուրդների եղբայրությունը՝ չնայած որոշ քաղաքական գործիչների անպատասխանատու վերաբերմունքին:
«Մենք դեսպանին հետ ենք կանչել միայն խորհրդատվություն անցկացնելու համար, թե ինչպես պաշտպանենք մեր հարաբերությունները արկածախնդիրներից», – նշել է Գահարիան՝ հավելելով, որ վախենում է Սահակաշվիլիի՝ «Վրաստանի ներքին գործերին միջամտելուց» և մտադրիր է Կիևից երաշխիքներ ստանալ, որ դա տեղի չի ունենա: