Թուրքիայի քրդաբնակ Դիարբեքիր (Տիգրանակերտ) քաղաքում 2007 թվականին բացվել էր քրդական զինված շարժման մասնակից 2005 թվականին վթարի հետևանքով մահացած Էքին Ջերենի անունը կրող զբոսայգի։
Զբոսայգին նախատեսված էր միայն կանանց համար և ամեն տարի մարտի 8-ին կանանց միջազգային օրվան նվիրված միջոցառումներ էին անցկացվում այնտեղ։
2017 թվականին զբոսայգին քաղաքապետի պաշտոնակատարի կողմից վարձակալության հանձնվեց նախագահ Ռեջեփ Թայիփ Էրդողանի որդուն՝ Բիլալ Էրդողանին պատկանող Թուրքիայի երիտասարդական հիմնադրամին՝ 25 տարի ժամկետով։
Այժմ զբոսայգում ամենուր ազգայնական, ռասիստական բնույթի գրառումներ են տեղ գտել, ինչպես օրինակ՝ «Կամ սիրի՛ր, կամ հեռացի՛ր», «Կեցցե՛ թուրք ազգը»։