Միացյալ Նահանգների վարչակազմը Լուսնի վրա ռեսուրսների արդյունահանման վերաբերյալ միջազգային համաձայնագրի նախագիծ է պատրաստում, հայտնում է Reuters- ը՝ վկայակոչելով աղբյուրներին:
Ըստ նրանց, համաձայնագիրը կներառի մի շարք գործընկեր պետությունների, որոնց թվում Ռուսաստանն առաջին փուլում չի լինի, քանի որ Պենտագոնը, իբր, մտահոգված է ռուս արբանյակների «սպառնալից» զորավարժություններով:
Պայմանագիրը կոչվում է Artemis Accords համաձայնագիր՝ ի պատիվ ամերիկյան Artemis լուսնային ծրագրի, հայտնում են աղբյուրները:
Նրա էությունը Լուսնի վրա մրցակիցների միջամտությունը կանխելու համար ապագա բազաների շուրջ «անվտանգության գոտիներ» ստեղծելն է: Բացի այդ, այն այնպիսի կանոններ կներառի, որոնք ընկերություններին Լուսնի վրա արդյունահանվող ռեսուրսների նկատմամբ թույլ կտան սեփականության իրավունք ունենալ:
Աղբյուրները հայտնել են նաև, որ նախագիծը դեռ չի ներկայացվել ԱՄՆ դաշնակիցներին, բայց առաջիկա շաբաթների ընթացքում Վաշինգտոնը մտադիր է պաշտոնապես սկսել բանակցությունները Կանադայի, Ճապոնիայի, ԵՄ-ի և Արաբական Միացյալ Էմիրությունների հետ: