Լրագրող Հայկ Հովհաննիսյանի կարծիքով՝ Վատիկանում ՀՀ նախկին դեսպան Միքայել Մինասյանի ակտիվությունը պայմանավորված է մեղադրանքի հետ, նկատում է ՝ դրանից հետո փորձում է իրեն քաղաքական հալածյալի կարգավիճակ շնորհել։ «Դա հայտնի սխեմա է․ սկսում են քաղաքական հայտարարություններ անել, որպեսզի ասեն՝ մեզ հետապնդում են քաղաքական հայացքների համար։ Միքայել Մինասյանը կլասիկ հնարքի դիմեց, բայց նա շարքային հանցագործ է»։
Անդրադառնալով Արգիշտի Քարամյանի՝ ԱԱԾ տնօրենի տեղակալ նշանակվելուն՝ նշում է, որ մեկ տարվա ընթացքում Քարամյանը աչքի չի ընկել իր պաշտոնավարման ընթացքում։ Նրա խոսքով՝ Փաշինյանը փնտրտուքների մեջ է ու փորձում է հասկանալ՝ ում կարող է վստահել։