Այսօր՝ մայիսի 6-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Կառավարության ծրագրի 2018-19թթ. կատարման ընթացքի և արդյունքների մասին զեկույցը: Զեկուցողը վարչապետ Նիկոլ Փաշինյանն է:
Վարչապետը զեկույցը բաժանեց 3 մասի. «2019 թվականի հունվարի 1-ից մինչև կորոնավիրուսի ճգնաժամի մեկնարկը, ճգնաժամի կառավարության ընթացքում մեր որոշումները և հետագա անելիքները»:
«2019թ. արձանագրվել է սննդամթերքի գների անկում` ի հեճուկս սննդամթերքի համաշխարհային գների բարձրացման, շնորհիվ այն բանի, որ մենաշնորհային իրավիճակը Հայաստանում հաղթահարված է, այդ թվում` բենզինի և դիզվառելիքի շուկայում»,- հայտարարեց վարչապետը:
Փաշինյանի խոսքով` ինքը սենսացիոն տվյալներ ներկայացրեց. «2020թ. ապրիլի 20-ի դրությամբ ՀՀ-ում արձանագրվել է 620 հազար 905 աշխատատեղ»:
Անդրադառնալով կոմունալների թեմային` նա նշեց. «Ոմանք ուզում էին կոմունալների դրոշով հակահեղափոխություն անել: Հիմա 2 մլրդ դրամ նստած է մարդկանց կոմունալների հաշիվներին»:
Մանրամասները՝ տեսանյութում: