Այսօր՝ մայիսի 6-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Կառավարության ծրագրի 2018-19թթ. կատարման ընթացքի և արդյունքների մասին զեկույցը: Զեկուցողը վարչապետ Նիկոլ Փաշինյանն է:
Վարչապետը զեկույցը բաժանեց 3 մասի. «2019 թվականի հունվարի 1-ից մինչև կորոնավիրուսի ճգնաժամի մեկնարկը, ճգնաժամի կառավարության ընթացքում մեր որոշումները և հետագա անելիքները»:
Անդրադառնալով զեկույցի երկրորդ մասին` վարչապետը հայտարարեց. «Մեր առաջին նպատակը եղել է Հայաստանում խուճապ թույլ չտալը, երկրորդը` ապահովել, որպեսզի մեր առողջապահական համակարգը կարողանա սպասարկել կորոնավիրուսով հիվանդ մարդկանց: Այս նպատակով 300 համաճարակային հիվանդանոցային տեղերը առնվազն հնգապատկել ենք` դարձնելով 1500 մահճակալ, ևս 150-ը առաջիկայում շահագործման կհանձնվի: Բացի սրանից, 600 հյուրանոցային հիվանդանոցային տեղ ենք պատրաստել ասիմպտոմ հիվանդների համար, 300 տեղ ենք պատրաստել մեկուսացածների համար»:
Նրա խոսքով` մեկուսացման ընթացքում մեր քաղաքացիներից որևէ մեկի արժանապատվությունը նսեմացնող վերաբերմունք չի եղել. «Ուրախ եմ հայտարարել, որ ՀՀ-ում կարանտինային պայմանները հայտնվել են տարածաշրջանի և միջազգային մամուլի ուշադրության կենտրոնում»:
Մանրամասները՝ տեսանյութում: