Այսօր՝ մայիսի 6-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Կառավարության ծրագրի 2018-19թթ. կատարման ընթացքի և արդյունքների մասին զեկույցը: Զեկուցողը վարչապետ Նիկոլ Փաշինյանն է:
Վարչապետը զեկույցը բաժանեց 3 մասի. «2019 թվականի հունվարի 1-ից մինչև կորոնավիրուսի ճգնաժամի մեկնարկը, ճգնաժամի կառավարության ընթացքում մեր որոշումները և հետագա անելիքները»:
Նա նշեց, որ հաշվետու ժամանակաշրջանում դադարեցվել է 4 մետաղական հանքերի շահագործման իրավունքը:
Վարչապետի խոսքով` տնկվել է 500 հազար ծառ:
«Հաշվետու ժամանակաշրջանում առաջնագծում տեղադրվել է 225 գերժամանակակից տեսադիտարկման սարք, արդյունաբերական հոսանք է ստացել 64 մարտական դիրք, մշտական ջուր է ստացել 134 մարտական դիրք, 35-ում կահավորվել է մոդուլային բաղնիք, և զինված ուժերի 74 տոկոսը սնվում է նոր սննդակարգով: Ամսի 8-ից նոր սննդակարգով սնվող զինվորների թիվը կհասնի 90 տոկոսի»,- արձանագրեց վարչապետը:
Մանրամասները՝ տեսանյութում: