Ինչպես հաղորդում է Grupo Televisa հեռուստաալիքը, մեքսիկական Վերակրուս նահանգի Սոկոնուսկո մունիցիպալիտետի ղեկավար Ռոլանդո Ռոսասը որոշել է արգելել տեղի բնակիչներին՝ մահանալ կորոնավիրուսից։ Քաղաքացիների համար համապատասխան զգուշացման տեքստը տեղադրվել է 2500 բնակիչ ունեցող քաղաքի կենտրոնական հատվածում՝ մեծ վահանակի վրա։
«Մունիցիպալիտետի հրահանգի համաձայն, Սոկոնուսկոյի տարածքում քաղաքացիներին խստիվ արգելվում է մահանալ կորոնավիրուսով վարակվելու հետևանքով»,- ասված է հայտարարության մեջ։
Նշենք, որ այսօրվա դրությամբ այս բնակավայրում COVID-19-ով վարակվածության որևէ դեպք չի գրանցվել։