Ֆրանսիայի նախագահ Էմանուել Մակրոնը հայտարարել է, որ դժվար թե ֆրանսիացիները կարողանան այս ամռանը խոշոր միջազգային ուղևորությունները իրականացնել՝ կապված կորոնավիրուսի համաճարակի վերսկսման ռիսկի հետ։
Ինչպես հաղորդում է BFM-TV հեռուստաալիքը, այս մասին Մակրոնն ասել է երեքշաբթի օրը Փարիզի սահմաններից դուրս դպրոցի այցելության ժամանակ։
«Ուզում եմ հիշեցնել, որ մենք չենք հաղթել վիրուսի դեմ ճակատամարտում, մենք այն դանդաղեցրել ենք։ Հիմա վաղ է ասելը, թե արդյոք մենք այս ամռանն արձակուրդ կունենանք։ Ես կարող եմ միայն ասել, որ մենք պատրաստվում ենք սահմանափակել խոշոր միջազգային ուղևորությունները անգամ ամառային արձակուրդների ընթացքում։ Բայց այդ մասին խոսելը դեռ վաղ է։ Մենք ավելին կիմանանք միայն հունիսի սկզբին»,- ասել է Մակրոնը։
Ֆրանսիան պատրաստվում է թուլացնել խիստ կարանտինը մայիսի 11-ից, երբ մարդկանց կթույլատրվի տեղաշարժվել իրենց տներից 100 կմ հեռավորության վրա։
Ինչպես հաղորդվել է, Ֆրանսիան կարանտին չի սահմանի Բրիտանիայից, ԵՄ-ից և Շենգենից ժամանողների համար։