Ուտրեխտի համալսարանում հոլանդացի և գերմանացի գիտնականները կարողացել են սինթեզել փորձառական մոնոկլոնալ հակամարմին (47D11), որը լաբորատոր պայմաններում կարող է չեզոքացնել կորոնավիրուսային վարակը, գրում է Nature Communications-ը:
«Այս չեզոքացնող հակամարմինը կարող է օգնել կանխարգելել և բուժել COVID-19-ը»,- ասվում է գիտնականների ուսումնասիրության համառոտ բնութագրում:
Ստեղծված հակամարմինը սկզբունքորեն նման է սպիտակուցներին, որոնք արտադրվում են մարդու իմունային բջիջների կողմից: Միևնույն ժամանակ, 47D11-ն ուղղված է վիրուսի սպիտակուցային փշերին և թույլ չի տալիս դրան թափանցել օրգանիզմի բջիջ: Գիտնականները նշել են, որ հակամարմինը «չեզոքացնում է SARS-CoV-ը և SARS-CoV-2-ը՝ դեռևս անհայտ մեխանիզմի միջոցով»:
Փորձի շրջանակում հակամարմինը փորձարկվել է գենետիկորեն ձևափոխված մկների վրա: Դրական արդյունքներից հետո մասնագետները որոշել են խմբագրել այն և ստեղծել մարդուն համար տարբերակ:
Նշվում է, որ բժշկության մեջ 47D11 հակամարմնի օգտագործումը դեռ հնարավոր չէ, քանի որ անհրաժեշտ են մի շարք ուսումնասիրություններ անցկացնել:
