Վրաստանի նախագահ Սալոմե Զուրաբիշվիլին հեռախոսազրույց է ունեցել ՆԱՏՕ-ի գլխավոր քարտուղար Յենս Ստոլտենբերգի հետ: Այս մասին նա գրել է Twitter սոցիալական ցանցում՝ խոսակցությունը անվանելով «շատ արդյունավետ»:
«Սևծովյան տարածաշրջանը վճռորոշ դեր կխաղա համաճարակի ավարտից հետո, և դրա կայունությունը առաջնային է մեր համագործակցության համար: Մեր ճանապարհը դեպի ՆԱՏՕ կշարունակվի` չնայած առկա ճգնաժամին», – գրել է Զուրաբիշվիլին Twitter- ում:
ՆԱՏՕ-ի գլխավոր քարտուղարը, իր հերթին, նշել է, որ Դաշինքը կշարունակի Վրաստանին տրամադրել քաղաքական և գործնական օգնություն: Ստոլտենբերգը հայտնել է, որ Մեծ Բրիտանիան պաշտպանիչ սարքավորումներ կփոխանցի Վրաստանին աղետների արձագանքման կենտրոնի միջոցով:
