Թուրքիայում սուպերմարկետի երեք աշխատակցուհիներ՝ Դիդեմ Նուր Բաթալը, Սերմին Թոփուզը և Փերիհան Բաշաք Սյոզբիրը, բողոք են ներկայացրել Ստամբուլի հանրապետական գլխավոր դատախազություն՝ «ADECCO» զբաղվածության ծառայություններ մատուցող ընկերության տնօրենի և երկրում հայտնի Migros սուպերմարկետների ցանցի տվյալ մասնաճյուղի տնօրենի դեմ։ Նրանց հեռացրել են աշխատանքից գլխաշոր կրելու պատճառով:
Հաղորդվում է, որ կանայք աշխատանքի են ընդունվել «ADECCO» զբաղվածության ծառայություններ մատուցող ընկերության կողմից։ Սակայն հաջորդ օրը, երբ ներկայացել են աշխատավայր, սուպերմարկետի տնօրենն ասել է․ «Զարմացա, երբ ձեզ տեսա, քանի որ մեր սուպերմարկետը գլխաշորով կանանց աշխատանքի չի ընդունում»:
Ստամբուլի Էթիլեր թաղամասում գտնվող սուպերմարկետի պատասխանատուները, որտեղ տեղի է ունեցել միջադեպը, հայտնել են, որ իրենց խանութներում գլխաշոր կրող բազմաթիվ աշխատողներ ունեն, որոնց նկատմամբ որևէ սահմանափակում և խտրականություն չի կիրառվում:
