CBS հեռուստաալիքի վետերան Լեսլի Շտալլը խոստովանել է, որ վարակվել է կորոնավիրուսով:
Այս մասին 78-ամյա Շտալը ասել է ալիքի նորությունների թողարկման ժամանակ: «Լրագրության կանոններից մեկը սյուժեի մաս չդառնալն է: Բայց համավարակի մասին խոսելու փոխարեն, ես, պարզվեց, այն միլիոնավոր ամերիկացիներից մեկն եմ, ովքեր սյուժեի մի մասն են դարձել», – ասել է Շտալը՝ հավելելով, որ նրա մի քանի գործընկերներ նույնպես հիվանդացել են:
Ըստ Լեսլի Շտալի, նա նախքան բժշկին դիմելը երկու շաբաթ հիվանդ է եղել տանը:
1991 թվականից Շտալը CBS ալիքում վարում է «60 րոպե» հաղորդումը: Վերջին տարիներին նա մի քանի հարցազրույց է վերցրել ԱՄՆ նախագահ Դոնալդ Թրամփից, այդ թվում ՝ 2016-ի ընտրություններից հետո նրա առաջին հեռուստատեսային հարցազրույցը:
Շտալը Սպիտակ տան առաջին կին թղթակից դառնալուց հետո այդ պաշտոնը զբաղեցրել է Ջիմմի Քարթերի, Ռոնալդ Ռեյգանի և Ջորջ Հերբերտ Բուշի նախագահության օրոք:
