Ըստ նոր հետազոտության ՝ հանրահայտ Allan Hills 84001 (ALH84001) մարսյան երկնաքարը պարունակում է 4 միլիարդ տարեկան ածխածին պարունակող օրգանական նյութ: Եվ սա դեռ ամենը չէ: Օրգանական նյութը պարունակում է ազոտ և հայտնաբերվել է կարբոնատային հանքանյութերում, որոնք սովորաբար առաջանում են ստորգետնյա ջրերում: Ըստ հետազոտական խմբի անդամների, այս բացահայտումը թույլ է տալիս ենթադրել, որ Մարսը հեռավոր անցյալում ավելի հյուրընկալ վայր է եղել։
Այս բացահայտումը ամրապնդվել է մի շարք ուսումնասիրություններով, ներառյալ՝ վերջերս NASA Curiosity-ի գտածոն։ Curiosity-ն նույնպես հայտնաբերել է տեղական հին օրգանական նյութեր:
Գիտնականները ենթադրում են, որ ALH84001-ը հսկայական հարվածից պոկվել է Մարսից շուրջ 16 միլիոն տարի առաջ, իսկ Երկիր ընկել է ավելի ուշ ՝ մոտ 13 հազար տարի առաջ: Երկնաքարը, որը հայտնաբերվել է Անտարտիկայում 1984 թվականին, վաղուց գտնվում է ուշադրության կենտրոնում: 1996-ին Ջոնսոնի անվան տիեզերական կենտրոնից Դեյվիդ Մակեյի ղեկավարությամբ գործող հետազոտական խումբը հայտարարեց, որ մարսյան ALH84001-ում հնագույն մանրէների գոյության համոզիչ ապացույցներ ունի: Գիտնականները բերել են չորս հիմնական ապացույցներ, որոնցից են կարբոնատային գլոբուլներն ու օրգանական մոլեկուլները: