Ստամբուլի Քյաղըթհանե շրջանում արտառոց դեպք է գրանցվել․ ընկերուհուց բաժանված տղամարդը որոշել է փախցնել նրան։
Նա կորոնավիրուսից պաշտպանվելու համար նախատեսված հատուկ բժշկական հանդերձանքով, կեղծ շտապօգնության մեքենայով և թվացյալ բուժանձնակազմով գնացել է ընկերուհու տուն։
Տղամարդը, ներկայանալով որպես բժիշկ, հայտնել է, որ նրա հարազատներից մեկը կորոնավիրուսով է վարակված և անհրաժեշտ է շտապ տեստ անցկացնել։
Աղջկան անմիջապես տնից հանելով՝ նստեցրել են շտապօգնության մեքենայի մեջ ու տարել։ Ճանապարհին աղջիկը նկատել է, որ բժիշկն իրականում իր նախկին ընկերն է և խուճապի է մատնվել։
Քիչ անց նրանք մեքենան փոխել են, որից հետո աղջկան հաջողվել է դուրս գալ մեքենայից։ Նա դիմել է ոստիկանություն։ Դեպքի առթիվ քրեական գործ է հարուցվել։