Սուպերմոդել Ջիջի Հադիդը եւ նրա բոյֆրենդ երգիչ Զեյն Մալիկն իրենց առաջնեկին են սպասում, հաղորդում է TMZ-ը, հղում անելով զույգին մոտ կանգնած աղբյուրներին:
Ըստ տեղեկությունների, 25-ամյա մոդելը 20 շաբաթական հղի է:
Ապագա ծնողները եւ նրանց ընտանիքները շատ հուզված են, պատմել են զույգի մտերիմները:
Հադիդը եւ Մալիկը սկսել են հանդիպել 2015 թվականին: Սակայն մինչ օրս զույգը մի քանի անգամ բաժանվել եւ կրկին միավորվել է: Վերջին անգամ լուրերը, թե Հադիդը և Մալիկը կրկին միասին են, սկսեցին հայտնվել 2020 թվականի հունվարին: Ապրիլի 23-ին մոդելի Instagram-յան էջում նրա ծննդյան օրից մի տեսանյութ է հրապարակվել, որում երգիչը նույնպես ներկա է:
