Երեկ ուշ երոկոյան ավարտվեցին Չեմպիոնների լիգայի խաղարկության խմբային մրցաշարի հինգերորդ տուրի հանդիպումները E, F, G, H խմբերում: F խմբում Մարսելի «Օլիմպիկը» մրցակցի հարկի տակ 3:0 խոշոր հաշվով պարտության մատնեց Մոսկվայի «Սպարտակին» և նվաճեց F խմբի 1/8 եզրափակչի երկրորդ ուղեգիրը: Այս խմբում առաջին տեղը դեռ մեկ փուլ առաջ ապահովել էր Լոնդոնի «Չելսին», որն այս փուլում 2:1 հաշվով հաղթեց «Ժիլինային»: E խմբում «Ռոման» առաջին խաղակեսում 2:0 պարտվելուց հետո երկրորդ խաղակեսում կարողացավ 3 անպատասխան գնդակ ուղարկել «Բավարիայի» դարպասն ու հաղթեց 2:3 հաշվով: Մյուս խաղում «Բազելը» պարտության մատնեց հետնապահ «Կլուժին»: Այս քառյակում միայն վերջին տուրից հետո պարզ կդառնա՝ «Բազելը», թե «Ռոման» կմիանան «Բավարիային» 1/8 եզրափակչում: G խմբում «Ռեալն» ու «Միլանը» սպասված հաղթանակներ տարան համապատասխանաբար «Այաքսի» ու «Օսերի» նկատմամբ և դուրս եկան հաջորդ փուլ` «Այաքս»- «Ռեալ»` 0:4, «Օսեր» -«Միլան»` 0:2: Ամենաբարդ իրավիճակը թերևս H խմբում է.
«Արսենալն» անսպասելիորեն պարտվեց «Բրագային»` 0:2 և թույլ տվեց վերջինիս միավորներով հավասարվել իրեն:
«Շախտյորն» էլ հաղթեց «Պարտիզանին»` 0:3, և ստանձնեց առաջատարի դերը: Վերջին տուրից առաջ միայն «Պարտիզանը» չի մասնակցի հաջորդ փուլ դուրս գալու պայքարին:
