Ադրբեջանի տնտեսությունը օրական 120-ից 150 միլիոն մանաթի (70-ից 90 միլիոն ԱՄՆ դոլար) կորուստ է կրում կորոնավիրուսի համավարակի և դրանով պայմանավորված կարանտինի հետևանքով, հայտարարել է երկրի էկոնոմիկայի նախարար Միքայիլ Ջաբարովը, տեղեկացնում է Turan գործակալությունը:
«Հարկադիր պարապուրդը խնդիրներ է առաջացնում անգամ խոշոր ձեռնարկություններում: Ճիշտ է, ապրիլի 27-ից կառավարությունը որոշել է աստիճանաբար վերացնել գործող սահմանափակումները, այնուամենայնիվ, կորոնավիրուսի սպառնալիքը դեռ տևական ժամանակ իր ազդեցությունը կունենա ստեղծված իրավիճակի վրա»,- հայտարարել է ադրբեջանցի նախարարը:
Ջաբարովի խոսքով` եթե իրադրությունը զարգանա հոռետեսական սցենարով, և կառավարությունը կրկին ստիպված լինի խիստ միջոցների դիմել, ապա «գործարարների կորուստները շատ ավելի զգալի կարող են լինել, ընդհուպ մինչև սնանկացում»: