Վրացի գործարար Բիձինա Իվանիշվիլին դարձել է խոշորագույն մասնավոր դոնորն աշխարհում կորոնավիրուսի դեմ պայքարում՝ գրում է բրիտանական Daily Express պարբերականը:
Իշխող «Վրացական երազանք – ժողովրդավարական Վրաստան» կուսակցության առաջնորդ, միլիարդատեր Բիձինա Իվանիշվիլիի ընտանիքը StopCoV հիմնադրամին նվիրաբերել է հարյուր միլիոն լարի (ավելի քան 31,5 միլիոն դոլար): Գումարը փոխանցվել է հիմնադրամի հաշվին ապրիլի 8-ին:
«Կորոնավիրուսային համավարակի դեմ պայքարում վրացի գործարարը դարձել է հստակ մի երկրի ամենամեծ ֆինանսական բարերարը կորոնավիրուսի դեմ պայքարում: Կորոնավիրուսի դեմ պայքարի առումով Վրաստանի նախկին վարչապետ և միլիարդատեր Բիձինա Իվանիշվիլին և նրա ընտանիքը հարյուր միլիոն լարի նվիրեցին Վրաստանի կառավարության հիմնադրամին: Սա ամենամեծ մասնավոր նվիրատվությունն է, որը կատարվել է առողջապահության ոլորտում Վրաստանի պատմության մեջ», – ասվում է հոդվածում:
