Ֆուտբոլի եվրոպական ասոցացիայի` ՈՒԵՖԱ-ի, նախագահ Ալեքսանդր Չեֆերինը հույս ունի, որ 2019-20 մրցաշրջանի խաղարկման հնարավոր տարբերակ կգտնվի:
«Առավել լավ կլինի, եթե մրցաշրջանը շարունակվի առանց երկրպագուների, քան առհասարակ խաղեր չկայանան: Եթե պահպանեն անվտանգության նորմերը, և եթե երկրների իշխանությունները տան իրենց թույլտվությունն, ապա ակումբները մոտ ապագայում կարող են վերսկսել մարզումները: Հավատում եմ, որ մենք կգտենք տարբերակը շարունակելու մրցաշրջանը»,- Չեֆերինի խոսքերը փոխանցում է Corriere della Sera-ը:
Կորոնավիրուսի պանդեմիայի պատճառով դադարեցված են եվրոպական գրեթե բոլոր երկրների առաջնությունները` բացառությամբ Բելառուսի:
Ավելի վաղ տեղեկություններ կային, որ ՈՒԵՖԱ-ն մտադիր է Չեմպիոնների լիգայի կիսաեզրափակիչներն անցկացնել օգոստոսի սկզբին, իսկ եզրափակիչը` ամսվա ավարտին` 29-ին: Եվրոպայի լիգայի եզրափակիչ հանդիպումը կարող է անցկացվել օգոստոսի 26-ին:
