Իրանի ԱԳ նախարար Ջավադ Զարիֆը հայտարարել է, որ Թեհրանին պետք չեն արհեստական օդափոխության այն սարքերը, որոնց մասին խոսել է ԱՄՆ նախագահ Դոնալդ Թրամփը:
Իր Twitter-ում իրանցի նախարարը գրել է, որ Իսլամական հանրապետությունը մի քանի ամսից ինքը կարող է օդափոխության համակարգեր արտահանել: Թրամփին նա խորհուրդ է տվել չխառնվել այլ ժողովուրդների գործերին:
«Եվ հավատացեք ինձ, մենք ամերիկյան ոչ մի քաղաքական գործչից խորհուրդ չենք ընդունում»,- ընդգծել է Զարիֆը:
Ավելի վաղ Թրամփը հայտարարել էր, որ կորոնավիրուսի դեմ պայքարի շրջանակներում որպես օգնություն ԱՄՆ-ը պատրաստ է թոքերի արհեստական օդափոխման սարքեր տրամադրել Իրանին: